|
| 近嚟, 唔知點解身邊都有一啲朋友, 碰到啲感情難題, 又唔知點解, 佢哋都會嚟搵我呢個"拍拖經驗零蛋"的人嚟講...........或者佢哋覺得我係局外人, 會客觀啲掛....... 人家的事, 當然唔會多講喇, 不過總結朋友們的難題, 都係大家唔會/唔肯將自己心所想的, 坦白話俾對方知. 到有問題發生咗/其中一方忍唔住, 作出決定時, 雙方先去傾有咩問題.
好彩的, 大家仲可以有機會, 冷靜去解決難題 ; 唔好彩的, 可能已經冇彎轉......... 每個人都有佢選擇的權利, 選擇同咩人相處............
雖然我冇咩宗教信仰, 不過一向信命的我, 相信個天安排一個人喺你身邊, 俾你選擇一齊, 就一定有佢的原因.........如果因為一啲人為的因素, 令到個關係有變, 咁會唔會太可惜呢......... 或者有啲人會覺得, 我呢個局外人諗得太簡單. 當兩個人真正一齊的時候, 唔會咁理想咩都可以坦白咁講.............但唔試過又點知唔得呢, 係唔係要到關係冇彎轉, 後悔時先肯去做呢......? | | |
| 最近, 聽到好多關於兩個人相處, 出現問題的故事........... 聽完之後, 難免有啲唔開心..........唔開心的原因, 可能係我成日都覺得, 兩個人相處/認識咗咁長時間, 根基應該打得好好, 會好清楚對方的性格, 好有默契, 熟知對方有啲咩係唔想自己做, 會有共同目標, 一齊為大家的未來進發.......... 但事實上, 有時兩個人相處越耐, 並不代表佢哋了解對方, 有共同目標. 事關喺佢哋相處期間, 佢哋都冇坦白地將自己的感覺講出嚟. 好多時都有一種心態, 就係覺得對方同自己咁耐, 好多嘢都明白, 根本唔哂講出口. 久而久之, 當對方做唔到自己的要求時, 就會埋怨對方 ; 而另一方就會覺得, 你喺度無理取鬧. 慢慢大家的關係就會越嚟越差........... 所以, 一向都知道, 兩個人相處, 真係要坦白. 有咩事, 都唔好收埋喺自己個心度, 佢唔係你條蟲, 佢唔會知你諗咩........ | | |
| 因為要清假的關係, 好幾個星期五的下午都放假, 而節目就係同kitty去整蛋糕 (因為我哋兩個仲未
放哂上年啲假呀)
 
睇吓我哋幾專心, 好似好pro咁架...........  呢個就係<火焰檸檬撻>
 呢個就係<拿破崙酥餅>......整咁多次蛋糕, 最好食就係呢個喇......
 
有冇留意到啲酥餅大細不一呢......因為 左邊,整齊, 大細一樣的係kitty切的; 而右邊嗰啲又大又闊的, 就更係我切架喇.........所以老人家話"三歲定八十", 係冇錯架....因為由細到大, 我啲勞作都係攞"C"架, 冇好過..........大家睇到呢盤嘢, 就知喇...............
因為上個星期五, 要去飲的關係, 同埋啱啱的星期六/日, 要去40A. 所以就將假期, 改今日下午放, 成機hea吓........一個人放假, 最好就更係去shopping喇.....heehee~~~~
不過今日所有的戰利品, 全部都係法拉BB的. 因為啲BB仔衫實在太得意喇, 喺衡量過之後, 細契決定放棄買嘢俾自己的機會, 將今日的quota, 全數俾哂法拉bb..............
 
經過細契喺個童裝部度走嚟走去幾個鐘後, 就俾我襯咗呢兩套衫仔出嚟........幾cutie ~~~ matched by 細契 | | |
| 3B的渡假聖地 ---- 40A, 將於4月頭同我哋講聲 <再見>........ 所以啱啱的星期六/日, 我哋就攪咗一個"告別40A之旅".
不過今次呢個<40A告別之旅>, 攪得比較倉卒, 所以清, 聰, 暉同妹妹呢4隻鐵腳, 因為有嘢做, 就冇同我哋同行....... 因為係最後一次去40A的關係, 所以今次影咗好多相...........就喺呢度懷緬一下喇.......
******************************再見喇40A********************************
 
 
而因為上次過年時, 玩剩咗啲煙花, 所以今次<告別之旅>, 就玩埋佢作結尾.......
 
呢兩個"癲佬"個動作想點呢.........  
呢期成日影相都扮cute的蔡sir..........
因為4/1係uncle choi的生日, 所以我哋就為uncle準備個"surprise b'day cake".......事前完全冇話佢知有蛋糕, 當uncle去樓上執嘢時, 我哋就熄哂燈, 而auntie就負責叫佢落嚟, 當uncle落到嚟時, 見到個蛋糕, 都不知幾驚喜同開心..............之後仲問我哋幾時買咗個蛋糕, 而佢都唔知.......heehee, 雖然呢一招已經用過好多次(包括我自己都試過有一個surprise b'day cake), 不過每一次見到壽星仔/女, 望住個蛋糕, 都會好開心...........
 
睇吓uncle choi幾開心....... 就連蔡仔個嬚嬚都join呢個trip....
 
出自"趣香園"的蛋糕........... 今次連續兩晚都去食咗呢個"燒雞", very nice
| | |
| 渡過咗兩個星期不見天日的生活, 終於可以停一停lu..........4月頭又再忙過.......... 3/17係法拉bb的一歲生日, 今日大契, 細契, 大契爺, 同契爺就提前先同法拉bb慶祝.................回想返一年前的今日, 法拉bb仲喺清媽媽個肚入邊, 咩都唔識. 但一年後, 法拉bb已經識行識走, 仲識做好多動作, 相信聰爸爸同清媽媽呢一年用咗好多心機/時間去教法拉bb.............
聰爸爸/清媽媽, 你哋好叻呀, 教識法拉bb咁多嘢, 繼續努力呀!!!
   
 呢份係契爺買埋欣欣的生日禮物
 睇吓欣欣幾開心..........
 法拉bb今日識叫"契爺", 攪到契爺勁開心........
 大契爺買俾欣欣的生日蛋糕.........
| | |
|
